否認老公辭工伴隨左右 司馬燕：唔做點養我一世？

否認老公辭工伴隨左右 司馬燕：唔做點養我一世？
否認老公辭工伴隨左右 司馬燕：唔做點養我一世？

(綜合報道)(星島日報報道)抗癌勇士司馬燕戰勝胃癌，但引發不少後遺症，最近發現患上腸炎，昨日由老公陪同下到醫院檢查，見她精神不錯，全程笑容滿面樂觀面對病情，並否認老公為照顧她而辭工的傳聞，笑說：「男人咁後生唔做，點養我一世？」

　　文、圖：張穎芝

　　司馬燕前年發現患上胃癌，將整個胃切除，並接受化療而暴瘦，最終成功戰勝癌魔，不過卻要面對不少後遺症，早前司馬燕因纖維增生壓住膀胱尿管，要駁上人工尿管，最近又因進食後腸抽筋，發現患上腸炎。

　　獲老公陪入院

　　司馬燕昨日4時許，在老公吳忠義陪同下，往養和醫院接受磁力共振檢查，司馬燕身穿花裙灰外套，戴上太陽眼鏡現身，身形瘦削，但精神尚算不錯，訪問後還主動除下眼鏡說精神OK。她說因為進食後腸抽筋，發現腸發炎，食物經過時會痛，要食易消化的流質食物，並說：「普通腸發炎都會瘦幾磅，雖然我係瘦咗啲，但都OK。現時約71、72磅，希望唔好再跌，醫生話如再跌到68、69磅就要捉我入去吊肥雞餐。」腸痛已有1個月，自認忍耐力高以為沒事，怎料愈來愈痛，檢查後發現有兩處發炎，又紅又腫，要檢驗一下細菌，毋須留院，現未有檢查報告，仍未知結果。

　　父親節行大運

　　另外，有報道指老公辭工照顧她，司馬燕說：「唔係，佢做得辛苦想 吓，新年又去咗荷蘭，所以不如 一陣，佢現時有見好多份工，會返工，男人咁後生唔做，點養我一世？」問到老公及囝囝是否擔心？她笑說胃癌咁大件事都已經擔心完，今次阿仔都話：「阿媽你無嘢口架啦!」談到如何慶祝父親節，她表示要看老公想做甚麼，自己不會下廚了，或去新界行個大運。